اسلام آباد: عالمی سطح پر تیل کی قیمتوں میں کمی کا رجحان جاری رہنے کی وجہ سے پاکستان میں پیٹرول اور ڈیزل کی قیمتوں میں آئندہ پندرہ روزہ جائزے میں کمی کا امکان ہے۔

برینٹ کروڈ فیوچر 0423 GMT پر 10 سینٹ یا 0.11 فیصد کمی کے ساتھ 88.30 ڈالر فی بیرل پر آگیا، جب کہ یو ایس ویسٹ ٹیکساس انٹرمیڈیٹ کروڈ فیوچر 13 سینٹ یا 0.16 فیصد کم ہوکر 82.50 ڈالر فی بیرل ہوگیا۔

پیر کو دونوں بینچ مارکس کے اگلے مہینے کے معاہدے میں 1٪ سے زیادہ کا نقصان ہوا۔

عالمی رجحان کے بعد مقامی مارکیٹ میں پیٹرول کی قیمت میں 5.4 روپے فی لیٹر کمی کا امکان ہے۔ اسی طرح پاکستانی مارکیٹ میں صارفین کے لیے ڈیزل کی قیمت میں 8 روپے فی لیٹر کمی ہو سکتی ہے۔

مٹی کے تیل اور لائٹ ڈیزل کی قیمتوں میں بھی بالترتیب 8.3 روپے اور 5.40 روپے فی لیٹر کمی کا امکان ہے۔